يا مين

يا مين يكتبلي بعد شـي عمـر

خايف ع محبرة الشعر تفضـى

وعمري متل رمشة جفون السمر

وسرعة سنينـي كلّهـا لحظـة

..........
يا مين يزرعنـي ع صفصافـي

جيرانها زهـر ونهـر عشقـان

صاير ع امـو هالعنـب غافـي

والكـرم بنبيـذ البكـي تعبـان

...........
يا ميـن يهدينـي علـى الايـام

ومن ورد عمري ياخـذ هديـة

تـا كنـت عنـك امسـح الالام

وجبلك عمر وتعيـش يـا بيـي

..........
يا مين ع تراب الوفا ال ربّـاك

ع الارز يحفر عمـرك الغالـي

مرّات عـم بسافـر انـا ويّـاك

ومرات منسافـر انـا وحالـي

............
يا مين يهديني عا وهج الشمـس

ت ازرعو عشفـاف مهووسـي

وقلك انا غياب الشمس عالهمس

شفافي استووا يلاّ تعي بوسـي

.............
يا ميـن متلـك خـي يهدينـي

بعطيه كـل الشعـر والتحنـان

حامل بروحـك غربـة سنينـي

ولهفة عواطف اخوتـي بلبنـان
..........
نجيب سجيم