صرلي عمر صرلي عمر فتّش على سلمي
بلبنان بلكي بينتهي حلمي
بتحس حالك بالسما هونيك
وعاجنابك النجمات لوز فريك
من فوق بتشوف الارض نقطة
ومن تحت بتشوف السما كلمة
.............
صرلي عمر دّور على (وحدة)
بلكي بوّحد هالشرق فيها
والشرق كلّو بتسحبو وحدي
للغرب بتفكفك عراويها
.......................
صرلي عمر ابرم على شاعر
قلّي الشعر في شخص تاني فيك
ب فرحك ب جرحك بالوجع شاعر
وهوّي قصايد شعرك بيعطيك
.................................
...صرلي عمر دوّر ع موجة تزيح
هم البحر وتعمّر الخيمة
راحت الموجة ع الشمس والريح
وصار اسما بالسما غيمة
.......................
صرلي عمر عم بحلم بنجمة
لا بتلعب بذيلا ولا بحبالا
لاقيت نجمة ومن شرح نجمي
الله بعثني موت كرمالا
...........................
صرلي عمر دوّر على كرسي
اقعد عليها وحرر الايام
وشنّق ليالي الظلم بالمرسي
وما يظل ع كراسي الدني حكّام
............................
صرلي عمر مشفوح عا قنديل
يشيّب الليل وفجر يضويلي
(ديوجين ) قلّي صار ديني ثقيل
وللعتم بايع صرت قنديلي
.........................
صرلي عمر ..من موطني محروم
وشعري وطن للشعر صورّلي
ولوما انا بشعري وطن مرسوم
لا كنت جيت ولا عمر صرلي.....
............................
نجيب سجيم
موضوع: صرلي عمر 
الأربعاء أبريل 15, 2009 9:15 am
