أنا ما بجوع / قصيدة / زياد شاهين

زياد شاهين · عدد الرسائل: 1 تاريخ التسجيل: 14/01/2007

أنا ما بجــوع

أنا ما بجـــوعْ
لو تثمــر الارض بكنوز الســما .. أنا ما بجــوع
لو تــزهر الاشجار فضــه وذهب
أنا ما بجــوع
بــس إن نــَمتْ في الارض
بــذور الفكــر
وتغســلت بالضو
وتمرجحــت بين الندى والفجــر
بهجــم مثل طفل مفجــوع
ع العليق ، قبل الصبر والتين والرمان
بحوش وبعبي القلب والصدر والشريان
وبكره اذا بموت
بوصي ع دفني صوب هالربوع
وبقرا ع قبري مراثي معلقة:
إن جاعت الدنيا أنا مابجوع !

زياد شاهين

**najib** · موضوع: جوع وشوق الأحد يناير 28, 2007 8:23 am

كلما بيجوع الورد للتلوين.....بيشرب ندى وبيسكب قداحو......

ومش جوع ..جوعي شوق للشاهين.........ال دفّا المعاني بفيّة جناحو..

....مع محبتي يا زياد وشكرا على المشاركة الرائعة....

[/size][/center]

تركي عامر

أخي زياد شاهين

تحية ملؤها المحبة

أرفع طبة قلمي Very Happy

لهذين السطرين

الأكثر من رائعين:

"وبقرا ع قبري مراثي معلقة:

إن جاعت الدنيا أنا مابجوع!"

كن بخير وحبر

أيها الصديق المبدع

سلامات

تركي عامر

مجيد حسيسي · شاعر عدد الرسائل: 3 تاريخ التسجيل: 08/04/2007

أخي أبو أسعد..
نوح الجديد
نوح بزمانو ناح ع حفنة بشرْ جمـّـع معو بسفينتو أنثى وذكر
بعث الحمامه رجعت بغصن الزتون وللحرب صار يدق ناقوس الخطر

حرقو الزتون الصار فحمه مجمّـره وخلو القلوب من الطهاره محرره
صلبو ابتسامة طفل نايم ع السرير رسمو البراءه في فضاها مدمـّـره

نوح بسفيني الناح ع حالة فقير الضيع رغيفو وبات ع شقفة حصير
وعاود أخذ نوح النبي منشارتو تا ينشر سفينة حياة المستجير

رب السما فوق عرشو مش سعيد عميعمل حسابو لبكراعن جديد
أرض الفساد ابتنمحي ما في خلود بكرا بجي الطوفات يا قلوب الحديد

بكرا بجي الطوفان ما ابينفع ندم صار العمر وهنان ع ساق وقدم
كلمة وفا بهالعصر عمله نادره ضاعت حروف الحب ع وهج الألم

إلاّ وإجاني صاحبي ونادى مجيد معقول تشفي علتي بنغمة قصيد
جاوبت لو فجـّـر قصيدو مطلعي بدها سفينة نوح ترجع عن جديد