اهلي
يللي على تربايتي سهرتو......ع غيابكن للنـــــوم سهّرتو
ومهــما الهجر خلاّ شموعي تذوب.......انتو معي ولا يوم سافرتو
انتو الوفا انتو صــفا القلوب........يا فضل لانسيتو ولا نكرتو
وما تفزعوا نصار الزمن مقلوب.....بيت الوفا عالصخر عمّرتو
حبر الهجر عاوراقنا مكتوب....شغلتو القلب والبال حيرتو
لا قدرت حالي ابعتو بمكتوب....ولا الجسم مع هالريح طيّرتو
رحت وتركت الشعر عني ينوب....وكلما يراعي زار محبرتو
بحسّو من ضلوعي سحب مسحوب....وياما نزيف دموع حبّرتو
خوفي انا يصير الشروق غروب....ويهدا سفر عمري ع اخرتو
ومن كتر شوقي لغمرة المحبوب....كلما بروحي هبّ جمر الشوق
بتكوي خدود الشمس مجمرتو
ابو اسعد نجيب
الأربعاء أبريل 15, 2009 8:14 am