قصيدة للارض

قصيدة للارض [b]

هالارض النا والمجد عنها حكي= بدها فعل جبار يترجم حكي
بيعدها التاريخ مملكة النضال = وتلاتها تيجان فوق المملكي
ومتلما متماسكي فيها التلال = بتظل فيها روحنا متماسكي
مازال نحنا من فرد مصدر غلال= ومن عرق واحد مصدر الدم الزكي
يا ارضنا الغالي يا مقلع للرجال = مناديلك بخيط الطهارة محيكي
ولفاتك البيضا على جبالك جبال = متل البيارق عالجبال مشكشكي

يا ارضنا بكرا عليكي رجوعنا = وعاصدرك الناقي نكتب مرجوعنا
متل البيطلع عالصنوبر عمشقة = طلعنا ومن صخورك لبسنا دروعنا
وشفنا بشموخ الارض كل العملقة = مشوار بين جذورنا وفروعنا
وفينا تشد ربوعنا ونحكي بثقة = هالارض النا وهالربوع ربوعنا
ولا تسالوا كيف بعزيمة محلقة = صنا الرض والعرض يوم قطوعنا
صخور الجبال ال بالجبال معلقة = بيجوز كانو ضلوعنا بجيل المضى
وهالجيل طلعوا ضلوعنا ع ضلوعنا=وهالجيل طلعوا ضلوعنا ع ضلوعنا